Hordeolum është një fryrje e vogël, e kuqe, e dhimbshme që rritet ne rrenjen e qerpikëve ose poshtë kapakut të syrit. Shumica shkaktohen nga infeksione bakteriale.

Janë dy llojesh:

Të jashtme: si pasojë e infeksionit të folikulit të qerpikut

Të brendshme: si pasojë e infeksionit të një gjendrre yndyrore të kapakut të syrit

Shenjat mund të jenë

Një ngritje e dhimbshme në rrënjën e qerpikut, një pikë e qelbëzuar në qendër, ndjesia e trupit të huaj, ndjeshmëria ndaj dritës, krusta përgjatë bregut të kapakut, lotim.

Chalazioni është një ngritje e fryrë në kapakun e syrit. Ndodh që një nga gjendrat ybdyrore të kapakut të syrit të bllokohet. Në fillim mund të mos e dalloni dhe të mos ketë dhimbje. Por me zmadhimin kapaku mund të skuqet, të fryhet dhe te jete i ndjeshëm në prekje.

Nëse zmadhohet më shumë, mund të shtypi syrin dhe të shkaktojë turbullim në shikim.

Ndryshimi chalazion-hordeolum

Ndonjëherë mund të jetë e vështirë të bëhet diferenca midis tyre.

Hordeolum është shumë i dhimbshëm. Shpesh shfaqet në bregun e kapakut të syrit, zakonisht i shkaktuar nga infeksioni i rrënjës së qerpikut. Shpesh rrjedh duke prekur të gjithë kapakun.

Chalazioni është i padhimbshëm. Është një ngritje që zhvillohet në kapak shumë më mbrapa se një hordeolum. Rrallë mund të prekë të gjithë kapakun.

Faktorët e riskut

Të gjithë mund të zhvillojnë një hordeolum ose chalasion por jeni më të rrezikuar nëse keni

  • Blefarit
  • Hordeolum ose chalasione të mëparshme
  • Rosacea ose seborrheic dermatitis
  • Diabet ose probleme të tjera mjekësore

Trajtimi

  • Kompresa të ngrohta
  • Antibiotikë dhe kortikosteroidë me përshkrimin e oftalmologut
  • Kirurgji për drenimin e zonës
  • Masazhe
  • Të mos përdoret make-up apo lente kontakti